Социалдык тармактарда Икрамжан Илмиянов чет өлкөгө чыгып кеткендиги тууралуу маалыматтар тараган. Бул маалымат туура эмес экендигин айтып, “Спутник” сайтына КСДПнын катчылыгы Илмияновду качпай эле Ажыга кеткендигин ырастаган.

 "КСПДнын саясий кеңешинин мүчөсү Икрамжан Илмиянов кичи ажылыкка Мекке шаарына кетти. Ал эркин адам, каалаган учурда өлкөдөн чыгып, кайра кире алат. Кимдир бирөөлөрдөн суроосу болсо, жооп берүүгө даяр", — деп билдирген аталган сайтка.

Эмне дейбиз, Икрамжан Илмиянов Мекке шаарына кетсе, Ажы болуп кайтарына шек жок. Азыр Икиш (Икрамжан) агабыз саясаттан алыс болуп, ак чүрпөккө оронуп, тапичке кийип Кааба ташты айланып, тилегин айтып, жыргап жүргөн экен да.

Кандай болгон күндө да Икрамжан Илмияновдун Ажылыгы кабыл болуп, тилеги орундалсын.

Булак: NazarNews.kg