Ири өлчөмдөгү гашиш ташыган адам кармалды

Журналист: NAZARNEWS

14.11.2019, 2:02

23772

кылмыш жана кырсык

4-ноябрда Баткен – Ош – Бишкек унаажолунда мыйзамсыз ташылып келе жаткан баңги заттын ири өлчөмдөгү партиясы кармалды. Бул тууралуу ИИМдин Баңги заттарын мыйзамсыз жүгүртүүгө каршы күрөшүү кызматынын басма сөз кызматы билдирди.

Маалыматка караганда, Баңги заттарын мыйзамсыз жүгүртүүгө каршы күрөшүү кызматынын кызматкерлери тарабынан жүргүзүлгөн операция учурунда Тажикистандан Кыргызстанга мыйзамсыз ташылып келе жаткан гашиш баңги затынын ири өлчөмдөгү партиясы кармалган. Баңги заты кылмышка шектүүнүн унаасынын атайын жасаган жашыруун жайына катылган жеринен табылган. Аталган баңги заттын салмагы 15 килограмм 720 граммды түзгөн. Бул баңги затын ташууга шектелип кармалган адам 30 жаштагы Баткен облусунун тургуну.

Учурда сотко чейинки өндүрүш жүргүзүлүп, баңги каражат алган булактары, кармалган адамдын кылмыштуу шериктерин аныктоо боюнча ыкчам иликтөө иш чаралары жүргүзүлүүдө.

Булак: NazarNews.kg