Бүгүн, 11-декабрда Жогорку Кеңештин депутаты Ирина Карамушкина №47 колонияда жаткан мурдагы президент Алмазбек Атамбаевге барып жолугуп келди. Бул тууралуу ал өзүнүн Facebook баракчасында билдирди.

Эл өкүлүнүн айтымында, Атамбаев ага алма, мандарин, апельсин берген.

«Ал мага жемиштерди берип жатып «Баары жакшы болот, эң башкысы ден-соолукту, кадимки адамдык мамилелерди жана сезимдерди сактоо! Кудай биз менен!» деди!»  – деп жазган депутат.

Ошондой эле Карамушкинанын билдирүүсүнөн белгилүү болгондой, 11-декабрга карата Атамбаев 47-колонияда отурат.

Эске салсак, буга чейин Атамбаевдин адвокаты Замир Жоошев 7-декабрда Биринчи май райондук сотунун судьясы Мирлан Термечиков Атамбаевди №47 колониядан УКМКнын тергөө абагына которуу жөнүндө чечим чыгаргандыгын  билдирген.

Булак: NazarNews.kg