Ишкерлер мынакей, депутаттар канакей?

Журналист: NAZARNEWS

07.04.2020, 0:40

17184

адабият

Жеке ишкер, Бишкек шаарындагы "Жаңы доор" деген аталыштагы заманбап шаарчаны куруп жаткан "Нур строй монтаж" курулуш компаниясынын жетекчиси Эмилбек Абдыкадыров элибиздин башына келген оор сыноодо Кыргызстандыктар үчүн өзүнү эсебинен 1,5 миллион сом жардам көрсөттү.

Белгилей кетсек, өлкөдөгү эпидемологиялык иштерге байланыштуу, атайын ачылган министрликтин эсебине калктын саламаттыгы үчүн деп 1 миллион сом которуп берген. Мындан тышкары, учурдун эң оор сыноосуна байланыштуу кыйынчылык тартып жатышкан Ленин районундагы аз камсыз болгон 50 үй-бүлөгө тамак-аш жагынан да жардамдарын көрсөткөн. Курулуш тармагында иштеп, абалга байланыштуу үйүндө олтурган 100 жумушчуга 300 миң сом өлчөмүндө жардамын дагы бергенин угуп, элибизде ушундай эл багар уулдарыбыз көп болсо деген тилекти айткыбыз келип олтурат.

Акыркы маалыматтарга караганда атайын ачылган эсепке ушундай азамат уулдарыбыздын арты менен которулган акчанын эсеби 100 миллионго жеткен. Алардын ичинде 300 сом которгондор да бар. Алардын көпчүлүгү жеке ишкерлер экени маалым болууда. "Эл дегенде эт-бетимен кетем" деген "эл багар" эл депутаттардын ал тизменин арасында аз экени албетте, элди эми кимдер багаарынан кабар бергенчип турат. Бириксек, баарын жеңебиз.

Булак: NazarNews.kg