«Евронун атасы» деп эсептелген канадалык экономист Роберт Манделл 88 жаш курагында көз жумду.  Бул тууралуу Bloomberg журналы Колумбия университетинин өкүлүнө шилтеме берүү менен жазып чыкты.

«Forbes» журналынын маалыматы боюнча, экономист 4-апрелде Италияда көз жумган. Анын акыркы жылдары үй-бүлөсү менен чогуу Италияда жашагандыгы айтылып келген.

Роберт Манделл Европа үчүн бирдиктүү валютанын түзүүчүсү болуп эсептелинет. Экономистин изилдөөлөрү 1999-жылдагы акча биримдигинин негизин түзүүгө жардам берген. Ал ошондой эле жалпы европалык экономикалык жана валюта биримдигин түзүүнү колдогон.

1999-жылы Роберт Манделл Экономика тармагы боюнча Нобель сыйлыгын акча-кредиттик жана фискалдык саясатты талдоо, ошондой эле оптималдуу валюта зоналарын анализдегендиги үчүн алган.

Булак: NazarNews.kg