Бүгүн, 29-февралда Израил Ливандын түштүгүнө сокку урду. Анын кесепетинен турак жайда эки адам каза болгон. Бул тууралуу "Al Manar" басылмасы билдирди.

Маалыматка ылайык, кол салуу Ливандын түштүгүндөгү Кафра-Сиддикин жолунун аймагындагы үйгө жасалган. Натыйжада эки жай тургун набыт болуп, бир нече адам жарадар болгон.

Ливандын Тышкы иштер министрлигинин билдирүүсүнө караганда, Израилдин чабуулунан улам Ливандын түштүгүндө 100 миңдей киши үйлөрүн таштап кетүүгө аргасыз болду. Ошондой эле Израилдин массалык маалымат каражаттары Израилдин түндүгүндөгү 80 000ге жакын тургундардын ушундай абалга туш болгонун кабарлашты.

Эске сала кетсек, 21-февралда Израил армиясы Сириянын борбору Дамасктын түштүк-батышындагы Кафр Соуза аймагына чабуул жасаган.

Булак: NazarNews.kg