Израиль эл аралык колдоо токтосо да Газа тилкесинде койгон максаттарына жетүү аракеттерин улантат жана өлкө кооптуулугун коргойт. Бул тууралуу Израиль ТИМ жетекчиси Эли Коэндин айтканын РИА Новости жазды. 

"Ири алдыда Израилге эл аралык аренада жасаган колдоону көрүп турабыз. Ондогон дүйнөлүк лидерлер менен ТИМ башчылары бул жакка келип тилектештигин билдиришти. Бирок азыр так кесе айтарым, эгерде эл аралык насыя бүтсө да, биз алдыга койгон эки максатыбызга жетүүнү аракетибизди улантабыз. Алар — ХАМАСты жоюу жана барымтадагыларды куткаруу", — деп айткан Коэн 14-каналдын эфиринде.

ТИМ башчысы Израиль өлкөнүн жана аймактын түндүгүндөгү да, түштүгүндөгү да адамдардын коопсуздугун сактайбыз деп билдирген.

Жакынкы Чыгыштагы жаңжал

Израиль менен Палестинанын кырды бычак мамилеси 2023-жылдын 7-октябрында Израиль Газа сектору тараптан ракеталык чабуулга туш болгондон тарта курчуп кетти. Сокку ургандан кийин ХАМАС жоокерлери еврей мамлекетинин түштүк аймактарына кирип барып, кыймылдын аскердик канаты "Аль-Акса топон суусу" операциясын жарыялаган. Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.

Газа тилкесиндеги каза тапкандардын саны 11 миң кишиге жетип, 28 миңден ашыгыраак адам жаракат алганы айтылды.

Ал эми жергиликтүү бийликтин маалыматында Израилден 1,2 миң киши көз жумган, жабыр тарткандардын саны 5 миңге жакын. Ар кыл эсептер боюнча 200гө чукул израилдиктин ХАМАСта кармалып турганы айтылып келет. Ал эми аталган уюм бул сан 250гө жакындап барарын билдирген.

Тараптардын аймактык кызыкчылыгы менен байланышкан палестиндер менен израилдиктердин жаңжалы ондогон жылдардан бери аймактагы кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.

Бир айдан ашуун убакыттан бери тутанып жаткан согуш оту эл аралык уюмдардын, анын ичинен Бириккен Улуттар Уюмунун 101 кызматкеринин өмүрүн алган. Бул туурасында БУУнун башкы катчысы Антониу Гутерреш билдирди.

Булак: NazarNews.kg