Каргашалуу июль трагедиясы үчүн ким жооп берет?

Журналист: МЭЭРИМАЙ АЛЫБЕКОВА

11.12.2020, 18:50

18703

саясат

Июль, август айларында пандемиянын биринчи толкуну каптаганда бир жарым миңден ашык адам көз жумду. 40 миңден ашык адам ооруган.

Мурдагы президент Сооронбай Жээнбеков тээ ала жазда эле эч нерсе боло электе министр Космосбек Чолпонбаев менен вице-премьер министр Алтынай Өмүрбекованы «курмандыкка чалып, «даярдык начар» деп күнөөнун баарын ошол экөөнө оодарып, «кыйын иштейт» деп Сабыржан Абдукаримовду Cаламаттыкты сактоо министри кылып дайындаган.

Бирок ал мурдагы министрден да начар иштегени ачык көрундү. Кыргызстан эпидемиянын алдын алганга, аны менен күрөшкөнгө даяр эмес болуп чыкты. Азыр эми ошондо жакындары каза болгон жарандар бул маселени көтөрүп жатышат.

Андан кийин мурдагы президент С.Жээнбеков ошол жайында болгон трагедияга күнөөлүүлөрдү териштирип жазалагандын ордуна эч нерсе болбогондой шайлоо өткөруп, кермекаш вице-премьер Аида Исмаилова «эрдик» жасап койгонсуп шайлоого аттанып, аягында алапайын таппай калышпадыбы?

Жайындагы каргашалуу июль трагедиясы учүн ким жооп берет? Сооронбай Жээнбеков жана анын командасы бул трагедия үчүн, ишке болгон шалаакы мамилеси үчүн жооп бериши керек!

Сооронбай Жээнбековго «экс» деген статус адегенде анын ишине саясий жана укуктук баа берилгенден кийин гана берилиши шарт.

Булак: "Азия News" гезити