Бул тууралуу «Азаттык» радиосуна партиянын басма сөз катчысы Адилет Султаналиев билдирди. Ал ошондой эле «Биримдик» буга 7% босогодон өткөн бардык партияларды чакырарын кошумчалады.

Борбордук шайлоо комиссиясынын (БШК) баштапкы маалыматына караганда, 4-октябрдагы шайлоодо төрт партия: «Биримдик», «Мекеним Кыргызстан», «Кыргызстан» жана «Бүтүн Кыргызстан» партиялары 7% босогодон өттү. Шайлоого жалпысынан 16 партия катышкан.

Шайлоонун жыйынтыгына карата нааразычылык акциясы башталган. Президенттик аппарат жана парламент жайгашкан имараттын тосмосунан секирип кирүүгө аракет кылышкан. Милиция, ОМОН кызматкерлери митингдегилерди экиге бөлүп, атайын автоунаа жана иттердин жардамы менен кубалап таркатты. Митинг дагы деле уланууда. жаракат алгандарды тез жардам унаасы алып кетүүдө.

Булак: NazarNews.kg