Дарылардын баасын түшүрүүнүн бир эле реалдуу жолу бар, жолдош жетекчилер. Бул тууралуу пикирин дарыгер Калдарбек Абдраманов жазып чыкты. 

Ага кошумча, "Качан гана өлкөдө муниципалдык мамлекеттик аптекаларды ачууга, ар бир больницада мамлекеттик "больничная" аптекаларды ачууга уруксат берсеңер ошондо гана дарылардын баасы өзү эле түшөт.

Азыр аптекалардын дээрлик баары жеке менчик, алардагы дары бааларын көзөмөлдөө өтө кыйын, мыйзам чегинде да, күч менен да мүмкүн эмес. Ушул маселени жана жалпы медицинаны оңдоонун жолун биз өзүбүздүн программа - проектте көрсөтүп, акыркы беш жылда айтып эле келатабыз. Бирок угуп, көңүл бурган бир жан болбоду! - дейт Калдарбек Абдраманов.

Булак: NazarNews.kg