Канат Садыков шайлоону утуп алды
Коом  |   |  1242

Жусуп Баласагын атындагы кыргыз улуттук университетинин ректорун шайлоо 27-майда өттү. Каттоого алынган 1344 шайлоочунун 1216сы катышты.

Жети талапкер ат салышып, добуш берүүнүн жыйынтыгында ректордун милдетин аткаруучу, мурдагы билим берүү жана илим министри Канат Садыков 776, проректор Таалайбек Каракеев 264 добуш, Туратбек Суранаев 66 добуш топтоп, алдыңкы үч орунду ээлешти. Баарына каршы 27 адам добуш берген.

Эми алдыңкы үч орунду алган бул талапкерлердин ысымдары өкмөткө жиберилет.

Эреже боюнча, Улуттук университеттин ректорун окуу жайдын кызматкерлери шайлап, өкмөт бекитет.

Булак: “Фабула”

Поделитесь с друзьями