www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кант шаарындагы Эмен паркынын жерлери жеке менчикке жана ижарага берилип кеткени аныкталып, мамлекеттик жооптуу кызматкерлерге кылмыш иши козголду. Бул тууралуу Башкы прокуратуранын маалымат кызматы кабарлады.
Билдирмеге караганда, прокуратура кызматкерлери мамлекеттик органдардын адистери менен Канттагы Эмен токой-паркында текшерүү жүргүзгөн.
"Аталган парктын жери Токой фондуна караштуу жана мамлекеттин менчигиндеги жерлер болуп эсептелет. Кант шаарынын жергиликтүү бийлик өкүлдөрү парктын жерлерин башкарбаса дагы жеке менчикке жана ижарага берип, андагы бак-дарак мыйзамсыз кыйылып, менчик окуу жай, соода түйүн жана спорт аянтчалары салынып, парк мыйзамсыз пайдаланылып келген", — деп жазылат маалыматта.
Мындай мыйзамсыз аракеттерден улам мамлекетке жалпы 26 миллион 726 миң 536 сом ири өлчөмдө зыян келтирилгени айтылды. Аталган факт боюнча Кылмыш-жаза кодексинин 336-беренесине ("Коррупция") ылайык иш козголуп, тергөө амалдары башталды. Бул жердеги менчикке жана ижарага берилген объектилер менен жер тилкелерин мамлекеттин менчигине кайтаруу жана аларды алгачкы калыбына келтирүү боюнча тийиштүү чаралар көрүлүп жатканы кошумчаланды.
Булак: NazarNews.kg
< Предыдущий
Следующий >
Последние новости
