Кыргызстанда 2022-жыл Тоолордун экосистемасын коргоо жана климаттык туруктуулук жылы деп жарыяланганы Кыргызстанга эл аралык аброй гана эмес, көп инвестицияларды алып келүүгө мүмкүнчүлүк берет. Мындай пикирин саясатчы Каныбек Иманалиев билдирди.

«Кыргызстанда 2022-жыл Тоолордун экосистемасын коргоо жана климаттык туруктуулук жылы деп жарыяланганы Кыргызстанга эл аралык аброй гана эмес, көп инвестицияларды алып келүүгө мүмкүнчүлүк берет. Өкмөт атайын дирекция түзүп төмөндөгү иш-чараларды өткөрүүсү зарыл:

• Тоолуу өлкөлөр менен биргелешип БУУнун астында жыл сайын тоолуу өлкөлөрдүн саммитин жана ушул темада эл аралык конференцияларды өткөрүп, Кыргызстанды тоолуу өлкөлөрдүн дүйнөлүк ордосуна айландыруу. Бул иш-чарага БУУнун Башкы секретарын Кыргызстанга чакыруу;

• Тоолуу өлкө катары тышкы карыздарды кечүү же азайтуу боюнча дүйнөлүк финансы институттарга кайрылуу;

• Кыргызстандагы тоолуу айылдарды өнүктүрүү программасын иштеп чыгып, донор өлкөлөргө кайрылуу;

• Дүйнөдө «жашыл экономика» фондунун бюджети 1 триллион доллар түзөт, ошол фондго атайын долбоорлор менен кайрылуу», - деп белгилегн Иманалиев.

Булак: NazarNews.kg