Кар жаайт. 19-ноябрга карата аба ырайы

Журналист: АЙСУЛУУ ТАЛАНТ

19.11.2022, 8:56

18888

коом

Кыргызгидромет билдиргендей, түнкүсүн Баткен облусунун көпчүлүк аймактарында жаан, Талас, Нарын облустарынын айрым жерлеринде кар, Ош, Жалал-Абад облустарынын тоо этектеринде жана тоолуу райондорунда кар жаайт. Чүй, облустарынын кээ бир райондорунда кар жаашы, Ош, Жалал-Абад облустарынын өрөөндөрүндө, Чүй облусунун жана Ысык-Көл облусунун дыйканчылык зонасында жаан-чачын күтүлбөйт.

Күндүз Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын айрым жерлеринде жаан, кар, тоо этектеринде жана тоолуу райондордо кар жаайт. Батыштан соккон шамалдын ылдамдыгы 4-9 м/с. чейин жетет.

Абанын температурасы:

Чүй облусунда түнкүсүн -2…+3, күндүз +7…+12;

Талас жергесинде түнкүсүн 0…-5, күндүз +5…+10;

Баткен, Ош, Жалал-Абад дубандарында түнкүсүн -3…+2, күндүз +5…+10;

Ысык-Көл облусунда түнкүсүн 0…-5, күндүз +7…+12;

Нарын облусунда түнкүсүн -2…-7, күндүз +4…+9;

Бишкекте түнкүсүн жаан-чачын күтүлбөйт, күндүз жаан жаашы мүмкүн. Абанын температурасы түнкүсүн 0…+2 суук, күндүз +10…+12 градус болот.

Булак: NazarNews.kg