www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Каракол шаарында аялды бычактап өлтүргөн шектүү кармалды. Бул тууралуу Ысык-Көл ОИИБинин басма сөз кызматынан билдиришти.
Маалыматка ылайык, 13-августта Каракол шаардык ички иштер бөлүмүнүн нөөмөт кызматына тез жардам кызматынын дарыгеринен кабар түшүп, анда өз үйүндө бычактан жаракат алган аялдын жансыз денеси табылгандыгы маалымдалган.
Окуя болгон жерге шаардык милициянын ыкчам-тергөө тобу дароо жөнөп кеткен. Текшерүү учурунда, милиция кызматкерлери денесине ашкана бычагы сайылган бойдон жаткан аялдын сөөгүн табышкан. Каза болгон жаран Каракол шаарынын 67 жаштагы тургуну экени аныкталган.
Аталган факт Кылмыш-жаза кодексинин 122-беренеси (Адам өлтүрүү) менен кылмыш иши козголгон.
Милиция кызматкерлери тарабынан жүргүзүлгөн тергөө-ыкчам иш-чаралардын жүрүшүндө, аталган кылмышка шектелип Ак-Суу районунун 59 жаштагы тургуну О.А. кармалды. Кармалган шектүү жаран алдын ала суракта жасаган кылмышы боюнча күнөөсүн толугу менен мойнуна алган.
Соттун чечими менен шектүүгө бөгөт коюу чарасы тандалып алынганча, кармалган жаран Каракол ШИИБдин УКЖга киргизилди.
Козголгон кылмыш ишинин алкагында Каракол ШИИБинин тергөө кызматы тарабынан жасалган кылмыштын себептерин жана жагдайларын аныктоо боюнча тергөө амалдарын жүргүзүүдө.
Булак: NazarNews.kg
< Предыдущий
Следующий >
Последние новости
