www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Казакстан Улуттук коопсуздук комитетинин мурдагы төргасы Карим Масимовдун камактагы мөөнөтү 6-августка чейин узартылды. Бул тууралуу комитет 19-июлда кабарлады.
Маалыматка караганда, Масимовдун мурдагы эки орун басарынын камактагы мөөнөтү да узартылды: Ануар Садыкулов 6-августка, Даулет Ергожин 13-августка чейин абакта болот.
Улуттук коопсуздук комитетинин мурдагы жетекчилеринин кылмыш ишине “Өтө жашыруун” деген мөөр басылган.
Карим Масимов өлкөнүн туңгуч президенти Нурсултан Назарбаевдин көп жылдан берки санаалашы катары мүнөздөлүп келген. Ал атайын кызматтын башчылыгына 2016-жылы дайындалган. Ага чейин, 2007-2012-жылдары жана 2014-2016-жылдары өкмөттү жетектеген.
Масимов Казакстанда жыл башындагы топлоң менен коштолгон наарызылык акцияларына байланыштуу 6-январда кызматтан алынып, ошол эле күнү кармалып, тергөө абагына камалган. Ага алгач “мамлекетке чыккынчылык кылган” деген айып тагылган, кийин “бийликти басып алуу” беренеси кошулган.
Өткөн жумада Казакстандын антикоррупциялык кызматы Павлодар облустук полиция департаментинин мурдагы башчысы, Карим Масимовдун тууганы Нурлан Масимовду Орусия менен чек арада кармаган.
Булак: NazarNews.kg
< Предыдущий
Следующий >
Последние новости
