Кыргыз балы Катардагы көргөзмөгө коюлду. Бул тууралуу Кыргызстандын Катардагы элчилиги маалымдады.

Маалыматка караганда, Кыргызстандын GIMNILI, «Маңыз», «Balary, «Kyrgyz Honey» жана «Nocturne» компанияларынын өкүлдөрү ушул тапта Доха шаарында өтүп жаткан эл аралык «Сук Вакиф 2020» бал көргөзмө-жармаңкесине катышып жатышат.Көргөзмөнү Катардын Соода жана өнөр жай министрлиги менен Муниципалитеттер жана айлана-чөйрө министрлиги уюштуруп, ага дүйнөнүн 37 өлкөсүнөн келген 150 компания катышууда.Ал эми, иш-чарага кыргызстандык өндүрүшчүлөрдүн катышуусуна Катардагы элчилик көмөктөшкөн.

Булак: NazarNews.kg