Экономика жана коммерция министрлиги мунапыс мыйзамынын негизинде мүлкүн легалдаштырган жарандарга кандай кепилдиктер берилери туурасында маалымат берди.

Эгер кимде-ким байлыгын ачыктаса мамлекет төмөнкүлөрдү убадалайт:

декларациялоо учурунда активдерди сатып алуу, пайданалуу же тескөө маселелери боюнча текшерүүлөргө тыюу салынат;

ачыктаган мүлкүн каттоого алуу учурунда эски салыктык карыздарын төлөө талап кылынбайт;

декларацияда камтылган маалыматтар кандай болбосун кылмыш ишин козгоого, салыктык, бажылык жана башка төлөмдөрдү эсептөөгө жол берилбейт;

декларант катышкан кылмыш-жаза ишинин, укук бузуулар жөнүндө иштин алкагында далил катары пайдаланылбайт;

байлыгын каяктан, кантип топтогону жөнүндө маалымат берүү милдетинен бошотулат;

атайын декларацияда камтылган маалыматтар декларанттын жашыруун сыры деп таанылат жана ачыкка чыгарылбайт.

Белгилей кетсек, декларацияланып жаткан активдери кылмыш-жаза же жарандык сот өндүрүшүндө турган болсо кепилдиктер берилбейт.

Булак: NazarNews.kg