Мамлекеттик каттоо кызматынын Бишкектеги Архив агенттиги карантинге жабылды. Бул тууралуу аталган мекеменин маалымат кызматы билдирди.

Маалыматка караганда, аталган агенттик Токтогул көчөсү, 105 дарегинде жайгашкан. 

"Ал эми өлкө боюнча бардык аймактык архивдер аралыктан иштөө режимине өтүштү. Алардын ишин көзөмөлдөп туруу үчүн саналуу гана кызматкер нөөмөткө туруп иштешет. Эгер Архив агенттигинин ишмердүүлүгү боюнча суроолор жаралып калса, 119 кыска номерине чалыңыздар", — деп айтылат маалыматта.

Мамлекеттик каттоо кызматы жарандарды кабыл алынган чараларды түшүнүү менен кабыл алууга чакырды.

Булак: NazarNews.kg