Orda.kz'нин журналисти Казакстан юстиция министри Канат Мусинге кайрылып, тергөө органдарында Казакстандын биринчи президенти Нурсултан Назарбаев жана анын кызы, Жогорку Кеңештин мурдагы депутаты Дарига Назарбаева боюнча суроолор барбы, аларды кармаса болобу деп сурады.

«Жок, бул адамдарды кармап, камакка алуу мүмкүн эмес. Мыйзам буга тыюу салат, бирок аларга суроо берип, жооп алууга эч кандай тыюу жок», - деди Мусин.

Назарбаевдин жээни Кайрат Сатыбалдынын камакка алынышынын мыйзамдуулугу тууралуу суроого министр жээндер экс-президенттин үй-бүлөсүнө мыйзамдык аныктама кжарабайт деп жооп берди. «Биринчиден, мыйзам үй-бүлө мүчөлөрүн аныктайт, ага жээндер кирбейт. Экинчиден, биринчи президент жөнүндөгү мыйзамда биринчи президент жана аны менен чогуу жашаган үй-бүлө мүчөлөрү кылмыш жоопкерчилигине тартыла албайт деп жазылган. Башкача айтканда, айыптоо. Ал эми айыптоо үчүн тергөө жүргүзүүгө тыюу салынган эмес. Тергөө жүргүзүлүшү мүмкүн», - деп түшүндүрдү Юстиция министрлигинин башчысы.

Ошол эле учурда Юстиция министрлиги биринчи президенттин макамы жөнүндөгү мыйзамга өзгөртүү киргизүүнү пландабайт.

Булак: NazarNews.kg