www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Казакстан: саламаттыгы чың кишилер COVID-19га каршы вакцинаны өздөрү сатып алышы керек

Казакстан: саламаттыгы чың кишилер COVID-19га каршы вакцинаны өздөрү сатып алышы керек

Журналист: ПЕРИЗАТ КУТМАНАЛИЕВА
18.08.2020, 14:53
6434
|

Казакстан Саламаттык сактоо министрлигинин расмий өкүлү Багдат Кожахметов министрлик калктын 11,5 пайызына гана коронавируска каршы вакцина сатып алууга ниеттенип жатканын билдирди.

- Тобокел тобундагы 2 миллион 182 миң киши бар (Казакстан калкынын 11,5 пайызы — Ред.). Булар – жүрөк-кан тамыры ооругандар, жашы 65тен ашкандар, кант диабети жана башка өнөкөт илдеттери бар адамдар. Аларды коргой турган атайын эрежелер, мыйзамдар бар. Ар бир ден соолугу чың, жумуш иштеген кишилер өздөрүн вакцина менен камсыздоого тийиш, - деди Кожахметов.

Ал Казакстан Covax Facility программасына киргенин, ага ылайык калктын бештен бир бөлүгү бекер эмделерин айткан. Аткаминердин билдиришинче, вакцина сатып алуу үчүн транспорт чыгымдарын кошуп эсептегенде 18 миллирд теңге (43 миллион доллар) керек.

Вакцина жана иммунизация боюнча глобалдык альянстын (GAVI) маалыматы боюнча вакцинанын бир дозасы 10-20 доллар болот. Бир катар өлкөлөр, маселен, АКШ бийлиги америкалыктардын баары COVID-19 вирусуна каршы бекер вакцина аларын маалымдаган.

Казакстанда жумуш ишетеген жарандардын баары Медициналык камсыздандыруу фондуна учурда айлыгынын бир пайызын, 2021-жылдан тартып эки пайызын төлөйт.

Ушул тапта дүйнө жүзүндө вакцинанын 100дөн ашуун түрү иштелүүдө. Алардын айрымдары кишилерге сыноо жүргүзүү баскычына келип калды.

12-августта Казакстан президенти Касым-Жомарт Токаев күзүндө вакцина сатып алуу үчүн Москвага өкмөт делегациясын жиберерин маалымдаган. Кийин Кожахмедов Казакстан сыноолордон толук өтпөгөн вакцинаны сатып албай турганын маалымдаган. 14-августта Казакстандын башкы санитардык дарыгери Айжан Есмагамбетова "сатыкка биринчи чыккан вакцинаны алабыз" деген.

Булак: centralasian



Поделитесь с друзьями