Казакстанда 19-январда 5800 грамм салмактагы кыз төрөлдү.

Ымыркай Форт-Шевченко шаарынын 26 жаштагы тургунунун бешинчи баласы.

Ымыркайдын апасы өзүн жакшы сезип жатканын белгилеп, дарыгерлерге ыраазычылык билдирди.

«Мен көп балалуу энемин. Балдарымдын баары чоң салмак менен төрөлүшкөн. Азыр кызымдын абалы жакшы. Бизди үйүндө туугандарыбыз күтүп отурушат», - деди апасы Айгүл Жумабаева.

Актау шаардык перинаталдык борбордун директору Галия Махимова борбордо 2022-жылы 17 алп наристе төрөлгөнүн тактады. 

«Мындай балдардын төрөлүшүнүн себептери ар кандай болушу мүмкүн, ал эми Жумабаевада генетикалык мурас бар», - деди Галия Махимова.

Белгилей кетсек, 2022-жылы шаардык перинаталдык борбордо төрөлгөн чоң балдардын бири 6200 грамм салмактагы бала болгон.

Булак: NazarNews.kg