Казакстандыктар Актөбөдө 15 миллион теңге суммасындагы трансформаторлорду уурдап, кыргыз жарандарына сатып жиберишкенин Tengrinews.kz.басылмасы жазды.

Трансформаторлорду курулуп жаткан объектилердин аймагынан уурдоого шектелип, Акмоло облусунун эки тургуну полиция тарабынан кармалган.

"Шектүү адамдар манипулятордун жардамы менен курулуп жаткан объектилерден трансформаторлорду уурдап кетишкен. Андан кийин уурдалганды Карагандага алып барып, коңшу өлкөнүн жарандарына сатышкан. Тогуз трансформатор жүктөлгөн фураны ыкчам кызматкерлер Кыргыз Республикасы менен чек арада токтотушту", - деп билдиришти ИИМден.

Уурулук фактысы боюнча сотко чейинки териштирүү иштери жүрүп жатат. Эки шектүү убактылуу кармоочу жайга киргизилди.

Булак: NazarNews.kg