Казакстандык белгилүү актёр Таукел Муслим үй бүлө курууга бел байлады. Мындай маалыматты ал  Instagram желесинде болгон түз байланышта  айтты.

“Менин сүйгөн кызым бар жана  учурда  өзүмдү бактылуу сезип жүрөм. Жакында той өткөрсөмбү деген пландарым бар. Балким бир же ашып кетсе  эки жыл ичинде үйлөнөм", - деп күйөрмандарына жооп берди.

Ага Instagram желесинин колдонуучулары  бакыт тилесе, айрымдары актёрдун сүйүктүүсү Жанар Дугалова  болушу мүмкүн деп божомолдошууда.

Анткени, Жанар Дугалова  да “жакында күйөгө чыгам”,- деп интервью берген экен. Анын үстүнө  экөөбү чогу эс алып жүргөн сүрөттөрү интернетке тарап кеткен.

Булак: NazarNews.kg