Кесиптешибиз “Спутник” агенттигинин кабарчысы Исмаил Мамытовдун мезгилсиз дүйнөдөн кайткандыгына байланыштуу ата-энесине, бир туугандарына жана жакындарына NazarNews.kg маалымат агенттигинин жамааты терең кайгыруу менен көңүл айтабыз.

25 жашында кара жер бооруна тартып алган кесиптешибиздин жаткан жери жайлуу, топурагы торко, арты кайырлуу болсун. Бүгүн касиеттүү жума күнү Алла-таалам жайын жаннаттан кылып, бейиштин төрүнөн насип этсин.

Белгилей кетсек, Исмаил Мамытов бир нече убакыттардан кийин Жалал-Абад облусуна караштуу, Аксы району Кербен шаарчасынынын аймагындагы Мукур айылында акыркы сапарга узатылат.

Булак: NazarNews.kg