АКШ менен Түштүк Кореяны Ким Чен Ын душман деп атады

Журналист: МЭЭРИМАЙ АЛЫБЕКОВА

10.10.2022, 10:37

18686

дүйнө жүзүндө

Түндүк Кореянын лидери Ким Чен Ын АКШ менен Түштүк Кореяны душман деп атап, алар менен диалогго баруудан баш тартты. Ал 25-сентябрдан 9-октябрга чейин ракета учуруу боюнча машыгууга катышып, тактикалык өзөктүк күчтөрдүн көндүмдөрүн үйрөткөн.

Анын айтымында, душмандар аскердик коркунучка барышканы менен дагы эле диалог жана сүйлөшүүлөр тууралуу сүйлөшүп жатышат, бирок биз душмандар менен айта турган эч нерсебиз жок жана биз ага муктаждык сезбейбиз.

"Биринчиден, биз каалаган убакта эбегейсиз куралдуу күчтөрдү мобилизациялап, аймактагы кырдаалды курчутуп жаткан душмандарга бекем жана чечкиндүү эрк жана иш-аракет менен ачык-айкын белги беришибиз керек", - деп билдирди Түндүк Корея лидери.

Ал ошондой эле "душмандардын кабыл алынгыс согуштук аракеттерине» каршы "бардык тийиштуу чараларды" көрүүгө убада берди. Түндүк Кореянын лидери ошондой эле өлкөнүн өзөктүк күчтөрү жооп берүүгө толук даяр экенине ишенерин билдирди.

Машыгууларда өзгөчө Түштүк Кореянын аэропортторуна, командалык пункттарына жана негизги портторуна кол салуулардын сценарийлери иштелип чыккан.

Булак: NazarNews.kg