Украинанын БУУдагы туруктуу өкүлү Сергей Кислица Коопсуздук кеңешинин жыйынында чыгып сүйлөгөн сөзүндө Путин украиналык балдардын өлтүрүлүшүн «мурда бекитилген пландарга ылайык жетишилген ийгилик» деп атаганын белгиледи. Бул тууралуу MIGnews.com жазды.

Сергей Кислица Путиндин «Операция ийгиликтүү жана мурда бекитилген планга ылайык жүрүп жатат» деген сөздөрүн мисал катары келтирди.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg