III Дүйнөлүк көчмөндөр оюндарына катышуу үчүн учурда 44 өлкөдөн билдирүү келгенин КРнын жаштар иштери, дене тарбия жана спорт мамлекеттик агенттиги билдирди.

Сөз ыңгайы келип турганда белги­лей кетчү нерсе, III Дүйнөлүк эл ара­лык бул иш чарага даярдыкты баштоо туурасында тээ 2017-жылдын де­кабрь айында эле андагы премьер-ми­нистр Сапар Исаковдун атайы көрсөт­мөсүнүн негизинде старт берилген болчу. Ошол эле күнү УТРК да С. Иса­ковдун катышуусунда жыйын болуп, уюштуруу комитетинин катчылыгы тарабынан III Дүйнөлүк Көчмөндөр оюнунун жаңы логотиби презента­цияланган. Ал логотиптеги мааниде - жер планетасындагы көчмөн элдердин жашоосу философиялык ой толгоолор­дун негизинде чагылдырылган. Андан соң 2018-жылдын 14 –апрелинде бор­бордогу Улуттук театрда Көчмөндөр оюнуна болгон даярдык тууралуу Са­пар Исаков кайрадан өзү катышкан иш чара болуп уюштуруу иштери бо­юнча бир топ тапшырмалар айтылган. Ошондон соң эл аралык бул иш чара­га катышуу үчүн С. Исаковдун өкмөтү дүйнөнүн 102 өлкөсүнө расмий чакы­руу жөнөтүшкөнүн кабарлаган. Даяр­дык шака- шука башталган.

... Ошол бойдон М. Абылгазиевдин өкмөтү Көчмөндөр оюнуна болгон да­ярдык туурасында июнь айы аяктап баратканда «ойгонушту». Бул иш чара туурасында азыркы өкмөт 20-июнда чогулуп, уюштуруу комитетинин чоңу кылып вице-премьер К. Боронводу дай­ындашкан.

... Ошентип, III ДКОнун спорттук программасын өткөрүү жөнүндө жобо­нун талаптарына ылайык спорттук де­легацияларды каттоо иштери 31-июлда аяктайт. Айтмакчы, 2016-жылдагы II Көчмөндөр оюнуна дүйнөнүн 55 мам­лекетинен спортсмендер келген.

Эми а дейбиз, бу дейбиз, эмнеси болсо да келген конокторго уят бол­бой, Кыргызстан деген ушундай жа­ратылышы тамшандырган керемет­түү мамлекет бар экенин, кыргыз эли тоо мүнөз, меймандос эл экенин мей­мандарга, алардын ММКлары аркылуу дүйнө жүзүнө жакшы маанайда таа­ныта алсак деген тилек! Ким кандай түшүнөт билбейбиз, бирок биздин пи­кирибизде Көчмөндөр оюну аркылуу Мекенибиздин даңкын, баркын аа­ламга тарата турган көпүрө. Учурдагы уюштуруу комитетинин катчылыгы деле айтып жатпайбы «Кыргызстан эге­мендүү болгон 27 жылдан бери бизди дүйнө жүзүнө тааныткан масштабдуу жалгыз долбоорубуз ушул» деп.

Күлчоро Кабылов

Булак: "Айгай"