www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Коронавирустун жайылышына жол бербөө максатында Тажикстандагы мечиттер жакынкы күндөрү жабылышы мүмкүн. Бул тууралуу Борбордук Азия жаңылыктары жазып чыкты.
Душанбеде кеминде үч мечитте жамаат менен намаз окуудан баш тартуу сунушталды.
Шейшемби күнү шаардагы борбордук мечиттин имамы Абдулхак Обидов жарандарды убактылуу мечиттерде намаз окубай турууга чакырып, мындай чечим коронавирустун жайылуусунун алдын алуу үчүн кабыл алынганын айтты. «Урматтуу мусулмандар, бизди туура түшүнүңүздөр. Бизге ушундай буйрук келди», — деди имам.
Ал ортодо Тажикстандын муфтийи Саидмукаррам Абдулкодирзода мечиттердеги карантин тууралуу эч кандай маалыматы жок экенин, бирок зарыл болсо жума намаздарды өткөрбөй туруу чечими кабыл алынышы мүмкүндүгүн билдирди.
Өлкөнүн Дин иштери боюнча комитети мечиттердеги карантин Тажикстан Ислам борборунун сунушуна негизделип кабыл алынганын билдирди.
Расмий маалыматтар боюнча Тажикстанда коронавирус жуктургундар жок. Бирок өлкө бийлиги вирустун жайылышына жол бербөө максатында бир катар чараларды көрүүдө. Буга чейин Кытайдан жана башка өлкөлөрдөн келген миңден ашык адам эки жумалык карантинде болуп чыгышкан.
Булак: NazarNews.kg
< Предыдущий
Следующий >
Последние новости
