Америка жана Индиянын окумуштууларынын изилдөөлөрү боюнча, коронавирусту алып жүрүүчүлөр менен таратуучулар – балдар жана жаш курактагы адамдар. Бирок бул топтогу адамдар вирусту жуктургандардын аз пайызын түзөт.

Изилдөөгө Индиянын жарым миллиондон ашык жараны катышкан. Жыйынтыгында оору жуккан адамдардын 71 пайызы вирусту башка адамдар менен байланышканда жуктурган эмес.

Изилдөөнүн автору Раманан Лакшминараянын айтымында, оору аз эле адамга жугуп, алардан көптөгөн адамдарга тараган.

Индияда коронавирус тездик менен жайылууда. Дүйнөдө коронавирус менен ооругандардын саны боюнча Америкадан кийинки экинчи орунда турса, адамдардын өлүмү боюнча Америка жана Бразилиядан кийинки үчүнчү орунда турат.

Булак: NazarNews.kg