Коронавирустун “сүйүктүү” температурасы аныкталды

Журналист: NAZARNEWS

01.04.2020, 2:29

40555

адабият

Гонконгдун университети коронавирус кандай температурада эң активдүү болорун аныктады. Бул температура болжол менен нөлдөн жогору 4 градуска чыкты. Мындай температурада эгер дезинфекция кылбаса, вирус эки жума активдүү болот.

Окумуштуулар ачылышты medRxiv порталына жарыялады.

Белгилүү болгондой, коронавирус жогорку температурага чыдай алат. Бирок 70 градуска жеткенде беш мүнөттөн кийин иштен чыгат.

Ошондой эле, изилдөөчүлөр коронавирус кайсы беттерде эң узак активдүү бойдон кала тургандыгын аныкташты. Ал кагазда 3 саат сакталат, ал эми айнекте 4 саат, пластикте 7 саат сактала турганы маалым болду. Вирус кийим жана жыгачта эки күнгө чейин , медициналык бет каптын үстүндө бир жума сакталат. Ошондуктан аны алмаштырбай колдоно берүүгө болбойт.

Кытайлык окумуштуулардын дагы бир тобу COVID-19 инфекциясы аба температурасына байланыштуу экендигин аныкташты. Андан тышкары, максималдуу оору абсолюттук нымдуулукта 7 г/м3 деңгээлинде байкалган.

Булак: NazarNews.kg