www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн Бишкектин Киев жана Үмөталиев көчөлөрүнүн кесилишиндеги көп кабаттуу үйдө ӨКМнын куткаруучулары кырсыктын алдын алышты. Бул тууралуу министрликтин басма сөз кызматы билдирди.
Маалыматка ылайык, куткаруу кызматына күбөлөр телефон чалып, көп кабаттуу үйдүн 5-кабатында ачык терезеде беш жашар кыз турганын билдиришкен. Айтылган дарекке Бишкек шаардык Куткаруу кызматынын куткаруучулары жана РИИБдин кайгуул-күзөт тобу жөнөтүлгөн.
Батирде беш жана алты жаштагы кыздар бар экени белгилүү болгон. Ата-энеси жаш балдарды батирге камап, өз иштери менен кетишкен.
"Балдар ачык терезенин алдында ойноп жатышкан. Куткаруучулар терезелердин астына тент орнотуп, 9-кабаттан 5-кабаттагы батирге аскага чыгуучу жабдуулардын жардамы менен киришкен", - деп айтылат маалыматта.
Балдар милиция кызматкерлерине өткөрүлүп берилгенин жана окуянын чоо-жайын укук коргоо кызматкерлери иликтээри айтылды.
Булак: NazarNews.kg
< Предыдущий
Следующий >
Последние новости
