www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргыз Республикасынын Премьер-министри Кубатбек Боронов Жалал-Абад облусуна жасаган иш сапарынын алкагында Чаткал районунун Каныш-Кыя айылындагы ички жолдорду реконструкциялоо иштеринин жүрүшү менен таанышты.
Премьер-министр район борборлорундагы ички жолдорду оңдоо аймактарды өнүктүрүү саясатынын алкагында жүзөгө ашырылып жатканын белгиледи.
«Кыргыз Республикасынын Президентинин аймактарды өнүктүрүү боюнча демилгесине ылайык, райондордун борборлорунда жылына үч чакырымдан аз эмес ички жолдор республикалык бюджеттин эсебинен оңдолууда. Бул багыттагы иштерде олуттуу жылыштар бар. Заманбап жол-транспорттук инфратүзүмсүз экономиканын керектүү темпин өстүрүү мүмкүн эместигин мезгил көрсөтүүдө. Ички жолдорду сапаттуу жана өз учурунда бүткөрүү өлкө аймактарынын экономикалык жигердүүлүгүн жандандырууга шарт түзөт», – деди Өкмөт башчы.
Кыргыз Республикасынын Транспорт жана жолдор министрлигинин маалыматы боюнча, Чаткал районундагы Каныш-Кыя айылында 5 көчөнүн жолу реконструкцияланды. Натыйжада каттамдар кеңейтилип, кум, шагыл төшөлүп, асфальтталды. Учурда белгилерди орнотуу жана жол чиймесин чийүү иштери жүрүп жатат. Район борборундагы жолдор 1980-1985-жылдары курулган, андан бери капиталдык оңдоп-түздөө иштери жүргүзүлгөн эмес.
Белгилей кетсек, аймактарды өнүктүрүү боюнча мамлекеттик саясаттын алкагында район борборлорунда жылына үч чакырымдан кем эмес ички жолдор республикалык бюджеттин каражатына реконструкцияланууда. Жалпы Жалал-Абад облусу боюнча быйыл 34 чакырым ички каттам оңдолду.
Булак: NazarNews.kg
< Предыдущий
Следующий >
Последние новости
