"Куликовский" кондитердик үйүнө 20 млн сом айып салынды. Бул жарактуу мөөнөтү өткөн азыктарды утилдештирүү эрежелери бузулганы менен байланыштуу.

"Мыйзам боюнча товарларды Соода-өнөр жай палатасынын комиссиясынын катышуусу менен жүргүзүү керек", - деди кондитердик компаниянын башкы директору Денис Гайворонский.

Бишкек шаарындагы соода түйүндөрүнөн "Куликовский" кондитердик үйүнүн жалпы товарынын 3-5%ы жарактуу мөөнөтү өткөнүнө байланыштуу алынат.

Ал эми Соода-өнөр жайы палатасынын маалыматы боюнча, "Куликовский" компаниясынан жараксыз товарларын утилдештирүү тууралуу кайрылуу түшкөн эмес. Компания акыркы жолу 2024-жылдын февралында товарга сертификат алууга байланыштуу гана кайрылган.

Сентябрь айынын башында "Куликовский"кондитердик үйүнүн кеңсесинде УКМКнын кызматкерлери тинтүү жүргүзгөн.