Канадалык Centerra Gold Inc тоо-кен компаниясынын 26 пайыз акцияларына ээлик кылган Кыргыз Республикасынын мамлекеттик компаниясы акцияларынын болжол менен 19 пайызын сатуу ниетин билдирди. Бул тууралуу Британиялык Bloomberg басылмасы жазып чыкты.

Белгилей кетсек, буга чейин «Центерранын» акциялары Торонто фонд биржасында 6,5 пайызга, башкача айтканда 8,40 долларга чейин түшкөнү кабарланган. Себеби, «Кыргызалтын» мамлекеттик компаниясы 77,4 миллион акциясынын 14,8 миллионун канадалык компанияга сатуу ниетин билдирген.

«Центерра Голд өкмөттүн иштеп жаткан компаниясы «Кумтөр Голд Компани» Кыргызстандын айрым мыйзамдарын бузса, өкмөттүн «тышкы башкарууну» таңуулаган мыйзам кабыл алынып жатканына кабатыр», - деп жазат гезит.

«Центерра» дагы отчёт бергени белгиленген: өткөн жумада кыргыз соту «Кумтөр Голд Компани» 3 миллиард доллардан ашуун зыяндын ордун толтурууга милдеттендирген. Анын үстүнө компания жүздөгөн миллион доллар өлчөмүндө кошумча айып пул алган.

«Канадалык инвесторлор» бул иш-аракеттер компанияны экономикалык баалуулугунан же Кумтөр кенине болгон менчигинен баш тартууга мажбурлоо үчүн жасалган бирдиктүү аракет деп эсептешет. Бул кенди улутташтырууну жалган негиздөө үчүн жасалып жатат. Канадалык өнөктөштөр Кыргыз Республикасынын бийлик органдары менен иштешүүгө умтулушат, бирок алардын укуктарын жана кызыкчылыктарын коргоо үчүн бардык мыйзамдуу ыкмаларды колдонуудан тартынышпайт», - деп жазат Bloomberg.

Канада Улуттук банкынын талдоочусу Майк Паркин акциялардын баасы өзгөрүлмө бойдон кала берет деп болжолдоп жатат.

Эске салсак, буга чейин депутаттар ишканага тышкы башкарууну киргизүүгө уруксат берген мыйзам кабыл алышкан. Мындан тышкары, компаниядан экологияга келтирилген зыян үчүн 3 миллиард доллардан ашык өлчөмдө компенсация өндүрүү боюнча соттун чечими бар.

Centerra Gold Inc. тоо-кен компаниясы. 2009-жылдагы кайрадан каралып чыккан долбоордук келишимдерге ылайык, Кумтөр кенинин менчик укугуна таасир этиши мүмкүн болгон бир катар укуктук жана саясий окуялар жөнүндө кабардар болгонун жарыялады.

Ал эми «Кыргызалтын» ишканасы акциялардын сатыкка коюлганы тууралуу маалыматка комментарий бере элек.

Быйыл 6-майда «Кумтөр Голд» ишканасына убактылуу тышкы башкаруу киргизүүгө жол ачкан мыйзам парламентте кабыл алынып, 14-майда күчүнө кирди.

7-майда Бишкектин Октябрь райондук соту «Кумтөр Голд» компаниясын Кыргызстандын экология мыйзамдарын бузганы үчүн мамлекетке 261 млрд. 719 млн. 674 миң сом кенемте төлөп берүүгө милдеттендирген.

8-майда «Центерра Голд» компаниясы билдирүү таратып, ишканага коюлган доо «таптакыр негизсиз» экенин, ал эми парламентте кабыл алынган мыйзам 2009-жылдагы макулдашууга каршы келерин, «Кумтөр Голд» мыйзамдарды бузбаганын билдирген. «Центерра Голд» жалдаган юридикалык компания кыргыз өкмөтүнө сүйлөшүүгө 45 күн убакыт берип, бул аралыкта тараптар бир пикирге келе албаса, анда ал эл аралык арбитражга даттана турганын жарыялады.

Кумтөр - Кыргызстандагы эң чоң алтын кени. Аны канадалык «Центерра Голд» компаниясы иштетет, Кыргызстандын «Центеррадагы» үлүшү 26%.

Булак: NazarNews.kg