www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

"Кумтөрдүн" кирешесинин 0,6 пайызы Нарынды өнүктүрүү фондуна которулат

Журналист: ЭЛИЗА ХАМРАЕВА
24.05.2022, 12:41
5373
|

"Кумтөр голд компани" ишканасына ай сайын дүң кирешенин 0,6 пайызын "Нарын облусун өнүктүрүү" фондуна төгүп туруу сунушталды. Тиешелүү чечимге министрлер кабинетинин төрагасы Акылбек Жапаров кол койгонун өкмөттөн билдиришти.

"Өткөн ай үчүн сом менен алынган дүң кирешенин 0,6 пайызын ай сайын Борбордук казыналыгында ачылган "Нарын облусун өнүктүрүү" фондунун атайын эсебине которуу сунушталсын. Негизги максат — облустун социалдык-экономикалык өнүгүүсүн жакшыртуу", — деп айтылат билдирүүдө.

Буга чейин президент Садыр Жапаров Нарын облусунун жашоочулары менен жолугушууда "Нарын облусун өнүктүрүү" фонду түзүлүп, ага "Кумтөр голд компани" ЖАКы акча төгүп турарын айткан.

Эске салсак, 2021-жылы 17-майда Кумтөр алтын кенине тышкы башкаруу киргизилген.

Булак: NazarNews.kg



Поделитесь с друзьями