Бишкекте жолдорду оңдоп-түзөө иштери жүрүүүдө. Курулуп, оңдолуп же бүткөн жолдордун сүрөттөрүн мэрия ар дайым бөлүшүп турат. Дал ошондой сүрөттөрдүн биринде мэрия Twitter’деги расмий баракчасына борбор калаанын Ашхабад көчөсүнүнүн оңдолуп жаткан сүрөтүн киргизген. Анда “Бүтүн Кыргызстан” партиясынын лидери, саясатчы Адахан Мадумаровдун кадрга кошулуп калганы колдонуучулардын көңүлүн бурган. Айрыкча, саясатчынын көлөч кийип алганы талкуу жаратты.

Кадрлардын биринде Адахан Мадумаровго окшош адамдын сүрөтү бар. Ал адам үйдөгү кийими, көлөчү жана колундагы пакети менен жумушчулардын жанынан өтүп бара жаткан.
Мэриянын Twitter баракчасынын администратору анын кокустан кадрга илинип калганын билдирди. 

Булак: NazarNews.org