Кыргызстандын Киров суу сактагычынан Казакстандын Жамбыл облусуна суу берилип баштады. Бул тууралуу Казакстандын суу ресурстары жана ирригация министри билдирди, деп жазды «Informburo.kz».

Министрдин айтымында, Кыргызстан менен Казакстандын өкмөттөр аралык кеңешинин соңку жыйынында Кыргызстандын айыл чарба министри менен Киров суу сактагычынан Казакстанга суу берип баштоо макулдашылган.

«Учурда суу сактагычтан 12 куб метр суу алынып жатат, ал Жамбылдагы суу сактагычтарга топтолууда», - дейт казак министри.

Ал 2 ай Киров суу сактагычынан суу алууга бөгөт коюлганын айтып, бул убакытта Кировдо суу топтолгонун билдирди.

Ушул жылы 10-августта Кыргызстан Казакстанга суу берүүнү токтоткон. Себеби Киров менен Орто-Токой суу сактагычында суу жок экени айтылган.

Булак: NazarNews.kg