Кыргызстанда акыркы суткада 30 жол кырсыгы катталып, анын кесепетинен 43 адам ар кандай оор жаракаттарды алышты. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгынын басма сөз кызматы билдирет.

Маалыматка ылайык, катталган жол кырсыктарынын жалпы санынын 17 учуру оң рулдуу унаалардын катышуусунда болгон, бул сутка ичинде катталган кырсыктын 56 пайызын түзөт, анын кесепетинен 25 адам ар кандай оор жаракаттарды алышкан.

ЖКККББ жол кыймылынын бардык катышуучуларына кайрылып, коопсуздук ар бир айдоочунун колунда экенин, унаада жаныңызда келе жаткан, жакынкы унаада бара жаткан сиз тааныбаган адамдын коопсуздугу сизден көз каранды экенин эскертет.

Булак: NazarNews.kg