Кыргызстанга электромобиль ташып келүүдө бажы алымдарын жокко чыгаруу чечими чыкты. Токтомго 17-май күнү министрлер кабинетинин төрагасы кол койгон.

Аталган норма Евразия экономикалык комиссиясынын үстүбүздөгү жылдын 17-мартындагы чечиминин негизинде кабыл алынган. Бүгүнкү күндө ал күчүнө кирди.

Ошол эле учурда квота коюлган. Ага ылайык, быйыл кыргызстандыктар бажы алымын төлөбөй 5 миң электромобиль, 2023-жылы 10 миң даана автоунаа алып келе алат.

ЕАЭБдин башка өлкөлөрү да белгилүү квоталарды алышкан. Ал эми буга чейин Оруия өзүнүн электротранспортун чыгарууга киришип жатканын жарялаган.

Булак: NazarNews.kg