Күзүндө Кыргызстанга бир катар чет элкөлөрдүн лидерлери келет. Бул тууралуу президент Садыр Жапаров Унаа жана байланыш министрлигине 265 атайын техника тапшыруу учурунда билдирди.

Анын айтымында, октябрда Бишкекте жогорку жана эң жогорку деңгээлде бир нече ири эл аралык иш-чара өтөт. "Анда Кыргызстанга 12 мамлекеттин башчылары келет", - деди ал.

Белгилей кетсек, Кыргызстандын КМШдагы төрагалыгынын алкагында октябрь айында КМШга мүчө-мамлекеттердин башчыларынын кеңешинин, КМШга мүчө-мамлекеттердин тышкы иштер министрлер кеңешинин жана КМШ өкмөт башчыларынын кеңешинин жыйынын өткөрүү пландалууда.

Булак: NazarNews.kg