Кытайда холера оорусунун биринчи учуру аныкталды

Журналист: МЭЭРИМАЙ АЛЫБЕКОВА

11.07.2022, 13:23

33005

дүйнө жүзүндө

Кытайлык эпидемиологдор Ухань университетинде холера менен ооруган бир адам тууралуу маалыматты тастыкташты. Бул тууралуу бүгүн, 11-июлда Вучанг муниципалдык райондук саламаттыкты сактоо комитети билдирди.

Документте маалымдалгандай, серологиялык анализ инфекциянын бул түрүн жуктуруп алганын тастыктап, оорулуунун негизги белгилери диарея жана ысытма деп аталды. Учурда бейтап дарыланып жатканы такталды.

Ошондой эле, бүгүнкү күнгө чейин оорунун очогу табыла электиги, борбордун адистери университеттин имаратын дезинфекциялоо иштерин жүргүзүшкөнү айтылат.

Ухань шаарында холера оорусунун болжолдонгон учуру тууралуу Кытайдын Tianmu Xinwen маалымат порталы жекшемби күнү, 10-июлда билдирди. Анын айтымында, холера оорусу Ухань университетинин инженердик факультетинин жатаканасында аныкталып, имаратта жашаган бардык студенттер текшерүүгө жөнөтүлгөн.

Холера — Vibrio cholerae бактериясы пайда кылган жугуштуу оору.

Бул оору диареядан улам келип чыгышы мүмкүн.

Булак: NazarNews.kg