Кыргызстанда дагы 3 адамдан коронавирус аныкталды

Журналист: NAZARNEWS

20.03.2020, 15:24

22509

коом

Бүгүн, 20-мартта коронавирус дагы үч адамдан аныкталды. Бул тууралуу Саламаттыкты сактоо министри Космосбек Чолпонбаев бүгүн, 20-мартта өтүп жаткан маалымат жыйында билдирди.

Алар Ноокат районунун тургундары, умра сапарына барып келгендиги белгилүү болду.Учурда изоляцияга алынды. 20-мартка карата өлкө боюнча коронавирс менен 6 адам жабыркап жатат.

“Коронавирус аныкталган сузактыктар менен бир учакта келген 142 адамдын баары биздин көзөмөлдө”,- дейт министр.

Эске сала кетсек, 18-мартта Кыргызстандын Сузак районунда 3 адамдан коронавирус аныкталган. Саламаттыкты сактоо министри Космосбек Чолпонбаев билдиргендей, алардын тесттеринин жыйынтыгы ошол эле түнү Бишкектен чыккан. Вирусту жуктуруп алгандар Араб Эмиратынан 12-мартта келишкен. Алар ал жакка кичи ажылыкка барып келишкен. Илдет аныкталган үч киши менен кошо Сауд Арабиясынан учуп келген 45 жүргүнчү изделип жатканын маалымдалган. Ал учакта жалпы 135 адам болгон, алардын ичинен 90 киши 18-мартта изоляцияга алынган..

Булак: NazarNews.kg