Милиция кызматкерлери республика боюнча "Арсенал" деп аталган профилактикалык рейд жүргүзүп жатат. Бул тууралуу ИИМ билдирди.

Иш-чара мыйзамсыз жүгүртүүдөгү жана туура эмес шартта сакталып жаткан куралдарды жана ок-дарыларды аныктоого багытталган.

"ИИМ жарандарга мыйзамсыз сакталып жаткан куралдарды, ок-дарыларды өз каалоосу менен тапшырууга чакырат. Бул үчүн акчалай сыйлык да каралган. Ал эми Кылмыш-жаза кодексинин 253-беренеси боюнча курал-жаракты мыйзамсыз жүгүрткөндөргө 60 миң сомдон өйдө айып салынып же 2 жылдан 6 жылга чейин камакка алуу чечими кабыл алынышы мүмкүн", — деп айтылат маалыматта.

Куралды өз каалоосу менен тапшыргандарга төмөнкүдөй сый акы берилет:

• Автоматтык гранатомёттор, анын ичине чет өлкөдөн чыккандары да кирет, түнкү мээлөөсү менен жана снаряды жок колго жасалгандар — 16 000 сом;
• Пулемёттор (анын ичине чет өлкөдөн чыккандары да кирет) жана түнкү мээлөөсү барлар — 16 000 сом;
• АК, АКМ, АКМС, АК-74, АКС-74, АКС-74у тибиндеги автоматтар жана алардын аналогдору, чет өлкөдөн чыккан жана түнкү мээлөөсү барлар дагы кирет — 9 600 сом;
• СВД, СВДС, СВДН снайперлери жана анын үлгүлөрү — 9 600 сом;
• Аңчылыкка ылайыкталган карабин — 6 400 сом;
• Сайлуу мылтык — 3 200 сом;
• Колго жасалган ок атуучу курал — 1 600 сом;
• Армияда колдонулчу жардыруучу каражаттар (тротил, гексоген жана башкалар) — 100 граммы 1 600 сом;
• Өндүрүш багытындагы жардыруучу каражаттар (амонит, угленит жана анын аналогдору) — 100 граммы 840 сом;
• Колго жасалган граната — 3200 сом;
• Сапёрдук мина жана инженердик атайын багыттагы курал-жарактар — 3200 сом;
• 5,45, 7,62 калибрдеги октор, аңчылык үчүн 7,62 калибрдеги октор — бир даанасы 10 сом;
• Сайлуу мылтыктын октору — 1 даанасы 6 сом;
• Өзүңдү коргоо үчүн курал, травматикалык курал октору менен, көздөн жаш агызуучу курал — 3 200 сом;
• Тапанча жана револьвер — 6 400 сом;
• Ок-дары — 100 граммы 100 сом.

Булак: NazarNews.kg