Кыргызстандагы йоддолгон туздардын 38% чет элдик ишканалар өндүрүп чыгат 
Экономика  |   |  1499

Кыргызстандагы йоддолгон туздардын 38 пайызы чет элдик өндүрүүчүлөр түзөт. Бул тууралуу Ош шаарында «Йодолгон туздун мониторингинин жыйынтыгы» аттуу тегерек столдо адистер билдиришти. 

Иш-чарада Республикалык ден соолукту чыӊдоо борборунун адиси Айнура Шергалиева:

«Изилдөөгө катышкан жарандардын 75 пайызы йоддолгон туз тууралуу маалыматы бар. Алардын 86 пайызы мындай тузду колдонушат. Кыргызстанда өндүрүлүп, дүкөндөрдө сатылып жаткан туздардын 10 пайызында йоддолгонун тастыктоочу белгилер жок экени аныкталды», -деди. 

Талкууга тиешелүү мекемелердин, жергиликтүү кеӊештин жана туз өндүрүүчүлөрдүн өкүлдөрү катышты. Иш чара ЮНИСЕФ эл аралык уюмунун каржылоосунда Республикалык ден соолукту чыӊдоо борборунун колдоосунда өткөрүлдү. 

Кошумчалай кетсек, 12-июнда Бишкек шаарында Талас, Чүй, Нарын, Ысык-Көл облустарында жүргүзүлгөн изилдөөлөрдүн жыйынтыгы боюнча талкуу өткөрүлгөн.

Булак: "5news.kg"

Поделитесь с друзьями