www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 9-апрелде Түркия Республикасына расмий визит менен барган Кыргыз Республикасынын Президенти Сооронбай Жээнбековду Түркия Республикасынын Президенти Режеп Тайип Эрдоган Анкара шаарындагы президенттик ак сарайда тосуп алды. Бул тууралуу президенттик аппарттын басма-сөз кызматы билдирди.
Жолугушуунун расмий аземинде Кыргыз Республикасынын Президентинин кортежин атчандардын ардактуу кароолу менен президенттик ак сарайга чейин коштоп баруу каралган. Флагштоктордо Кыргыз Республикасы менен Түркия Республикасынын мамлекеттик желектери көтөрүлгөн. Ардактуу кароолдун ротасы тизилип, эки өлкөнүн гимндери ойнолду.
Кыргыз Республикасынын Президенти тизилген ардактуу кароол менен учурашып чыкты. Эки өлкөнүн президенттеринин жолугушуусунун расмий аземинен жана делегацияларды тааныштыргандан кийин Мамлекет башчылары тар чөйрөдө сүйлөшүү үчүн залга бет алышты. Президенттер тар чөйрөдө жолугушкандан кийин сүйлөшүүлөр кеңири курамда улантылат.
Булак: NazarNews.kg
< Предыдущий
Следующий >
Последние новости
