Кыргызстандын жашоочулары Улуу Британиянын Charities Aid Foundation фондунун эксперттери тарабынан түзүлгөн дүйнөдөгү эң жоомарт 20 элдин тизмесине киргизилди.

Ошентип, бир жыл ичинде Кыргызстан дароо эле 83-орундан 18-орунга көтөрүлдү, анткени кайрымдуулук иштеринин жалпы көлөмү төрт эсе көбөйдү.

Британиялыктардын ою боюнча, бул Орозо (Рамазан) айында Кыргызстандагы мусулмандардын жигердүүлүгү менен шартталган, мусулмандардын саны жалпы калктын дээрлик 95%ын түзөт.

Ошондой эле, изилдөөнүн авторлорунун айтымында, өлкө жашоочулары убактысынын 36%ын ыктыярдуулукка жумшашат. Кыязы, бул өлкөдө кеңири жайылган "ашар" ыкмасына тиешелүү - калктуу конуштун тургундары үй-бүлөгө бекер турак жай курууга жардам беришкенде,-деп билдирет ТАСС.

Тизме үч критерийдин негизинде түзүлөт: кайрымдуулукка берилген акчанын көлөмү, бейтааныш адамдарга көрсөтүлгөн жардам жана ыктыярдуу иштөөгө бөлүнгөн убакыт. 

Булак: NazarNews.kg