Бүгүн, 27-апрелде саламаттыкты сактоо министринин орун басары Нурболот Үсөнбаев Кытайдан келген адистер кыргыз медицинасына кандай бааларын беришкенин айтты.

"Бүгүн саат 12:00дө Кытайдан келген дарыгерлер тобу мекенине кайтат. Кызматкерлер менен жолугуп пикир алмашып турушту. Бир учурда 700дөн 2000ге чейин дарыгерлер менен онлайн түрүндө сүйлөшүп, пикир алышты. Биздин жасап жаткан иштер эл аралык стандартка туура келерин айтышты. Шарттарыбызды жакшы деп белгилешти. Эл аралык стандарттарга ылайык иш алып барып жатканыбызды, карантин шарттарын катуу кармашыбыз керектигин айтышты", -дейт ал.
Булак: NazarNews.kg