Кытай бийлиги коронавирус менен ооругандарды поезд, учак жана автобус менен жүрүүгө тыюу салды. Алар жөтөлөрү менен ооруканага жаткырылат. Кандай гана жаран болбосун кайсы шаарларга сапар тартат, жашырбай тийиштүү органдарга маалымат берүү керек.

Алар тыгыз дарыгердин көзөмөлүнөн өтүп, үйүндө эки апта бою дарылануу зарыл. Эгерде кытайлык жаран коомдук тартипке баш ийбесе, 10 жылга чейин соттолуп, ал тургай өлүм жазасына тартылышы мүмкүн.

Алсак, коронавирус Кытайдан тышкары 27 мамлекетке – Япония, Таиланд, Сингапур, Түштү Корея, Гонконг, Австралия, Тайвань, Макао, Малайзия, Америка Кошмо Штаты, Германия, Вьетнам, Франция, Бириккен Араб Эмираты, Канада, Филиппин, Улуу Британия, Россия, Италия, Индия, Финляндия, Швеция, Шри-Ланка, Камбожа, Непал, Испания жана Бельгияда катталды. Так ушул таптарды аталган вирустан 1 368 (бир миң үч жүз алтымыш сегиз) адам жарык дүйнө менен кош айтышты. Ооругандардын саны – 60 310го (алтымыш миң үч жүз он) жетти.

Жаңы коронавируска Novel Coronavirus Pneumonia (NCP) наамы берилди. Азыркыга чейин каза болгондордун саны 2002-жылдагы атипик пневмония (SARS) жана 2012-жылдан бери Жакынкы Чыгыш респиратордук  синдромун (MERS-CoV) артка калтырды. SARS дан 8 096 (сегиз миң токсон алты) адам ооруган, алардын 774ү каза тапкан. MERS-CoV вирусунан 2 494 (эки миң төрт жүз токсон төрт) адам ооруп, алардын – 858 жарык дүйнө менен кош айтышкан.

Эске сала кетсек буга чейин Канаданын La Presse Canadienne маалымат агенттиги, "бүткүл дүйнөнүн үшүн алган коронавирусту коркунучтуу жугуштуу ооруу эмес" деп билдирүү таратты, Канаданын Бүткүл дүйнөлүк саламаттыкты сактоо уюмунун өкүлү, вирусолог Эрей Тунсберг.

“Мен коронавирус тууралуу өтө көп издендим. Менимче биз азыр талкуу кылып жаткан коронавирус өтө деле коркунучтуу эмес. Бул жерде кандайдыр бир саясый кызыкчылык жатат деп ойлоймун”, деген.

Ал эми Бүткүл дүйнөлүк саламаттыкты сактоо уюмунун эксперти Ира Лонг "дүйнөнүн үчтөн эки бөлүгү коронавирусту жуктуруп алышы мүмкүн" деп айткан. Баса, бизге жеткен маалыматтарга таянсак Кытай Эл Республкасы 1-мартта коронавирусту жеңдик деп дүйнө жүзүнө расмий жарыя кылат.

Булак: NazarNews.kg