Ливандын премьер-министри Хассан Дияб Бейруттагы жарылууга алты жылдан бери сакталып турган 2750 тонна аммиак селитрасы себеп болгонун айтты. Бул тууралуу РИА Новости билдирди.

Эске сала кетсек, 4-августта Ливандын борбору болгон Бейрут шаарындагы портто катуу жардыруу болуп, шаардын жарымы жабыркаган. 

Маалыматта кырсык 70тен ашык адамдын өмүрүн алгандыгы айтылды.

"Болуп өткөн окуяга себепкер адамды тапмайынча жаным жай албайт. Биз аны жоопкерчиликке тартып, аеосуз жазалайбыз. Себеби салмагы 2750 тонна болгон аммиак селитрасы кампада алты жылдан бери жөн эле сакталып жаткан. Акыры ал адамдардын коопсуздугуна коркунуч алып келди", — деди Дияб.

Ошондой эле өкмөт башчы кырсыкты иликтөө боюнча комиссия түзүү сунушун киргизди. Алар 48 сааттын ичинде жарылуунун себептерин аныктап, ага жоопкерчиликтүү адамдарды табышы керек.

Булак: NazarNews.kg